Martinus: La sorto de la homaro, ĉap. 47.

Legi kaj serĉi en La Tria Testamento

47-a ĈAPITRO

La esenco de la evoluo kaj sorto de la homaro en tormo de 12 punktoj.

Kun referenco al »Livets Bog«, kie troviĝas pli detala informo pri la venonta mondregistaro kaj ĝiaj rezultoj, mi nur devas per la sekvanta citaĵo el la sama libro esprimi la esencon en la sorto aŭ nuntempa evoluepoko de la tera homaro. Tiu esenco esprimiĝas per la sekvantaj 12 punktoj:

1.	Ĉiuj formoj de venko super la egoismo fare de la altruismo. La venko de la komunintereso super la privatintereso.
2.	Kreo de internacia demokrata mondestraro.
3.	Senarmigo de ĉiuj landoj avantaĝe al starigo de internacia senpartia mondpolico.
4.	Evoluigo de internacia publika – ne sekreta – plej alta leĝo- kaj rajtosistemo reprezentanta la plej elstarajn estulojn de la scienco sur spiritaj kiel ankaŭ sur materiaj kampoj, estulojn, kiuj havas la necesajn kvalifikojn por distingi inter malnormaj agoj kaj krimoj, kiuj havas scion pri la irado de la evoluo kaj pri la eternaj leĝoj de la estado, kaj kiuj per tio povas garantii absolutan rajton kaj juston por ĉio kaj ĉiuj.
5.	Abolo de privata posedo super la valoroj avantaĝe al ties posedo ĉe la mondoŝtato.
6.	Abolo de mono avantaĝe al enkonduko de persone farita laboro kiel sola pagrimedo por la koncerna persono.
7.	Starigo de infana, maljunula kaj malsanula fondaĵo komuna por la tuta mondoŝtato surbaze de subtrahoj sur la laborkvitancoj.
8.	Ekspluato de la maŝinoj por malplilongigo de la materia labortempo avantaĝe al studotagoj kaj spirita esplorado.
9.	Abolo de perforta politiko kaj sangelverŝoj.
10.	Abolo de punoj per torturo, batado kaj mortigado avantaĝe al spertaj aranĝoj de internigo kaj edukado.
11.	Evoluigo de vegetaraj nutraĵoj, saneco kaj korpoflegado, sanigaj kaj helaj loĝejoj.
12.	Evoluigo de spirita libero, toleremo, humaneco kaj amo al ĉiuj vivaj estaĵoj, al homoj kaj bestoj, al plantoj kaj mineraloj.

Tiuj 12 punktoj do estas esprimendaj kiel identaj kun tiuj realaĵoj, ĉirkaŭ kiuj koncentras sin la tuta terhoma evoluenergio, kaj sub kiuj kaj surbaze de la nova kosma mondirnpulso la plenumado de la plej alta amordono de la estado »Amu unu la alian« nuntempe en la ĉiutaga estado de la tera homo iras kontraŭ sia perfekta realiĝo. Tiuj menciitaj punktoj do ne estas komplikita cerbumaĵo aŭ starigita hipotezo, sed kontraŭe estas esprimo de reala analizo pri fakto, kiu manifestis sin en la pensovivo nur surbaze de antaŭaj realismaj spertoj. Tial neniu tera homo povas ekzisti sen kunligo kun tiuj realaĵoj aŭ ne estante ĉirkaŭita de tiuj energioj.
      Esti en harmonio kun tiuj energioj aŭ kun la menciitaj 12 punktoj do signifas esti en harmonio kun la dieca mondplano – tio signifas esti stimula faktoro en la kreado sur la tero de la mondpaco, kaj tio estas la plej rapida vojo por ĉiu tera homo al »la granda naskiĝo« aŭ al akiro de klariĝinta estado.
      Esti kontraŭa al la menciitaj punktoj aŭ energioj aliflanke signifas esti en malharmonio kun la mondenergioj, esti kontraŭa al la kerno en la mondreligioj – tio signifas esti ĝeno en la liberigo de la tera homaro el la malluma regiono de la milito kaj suferoj, per kio oni faras sin mem subfosa faktoro rilate al propra absoluta feliĉo.
      Sed antaŭ longe la energioj de la hela elradiaĵo de »la dieca kreoprincipo« (tiu principo, kiu interalie rezultigis la mondreligiojn) fariĝis domina faktoro en la evoluo de la tera homaro kaj per tio montris tion fakto, ke la menciita homaro evoluas el la bestoregno al la homoregno kaj ne inverse. Ĉar tiu evoluo povas okazi absolute nur surbaze de la plenumado de la granda ordono »Amu unu la alian«, kaj ĉar por la tera homo tiu plenumado povas laŭ la dieca mondplano realiĝi nur en formo de la antaŭe menciitaj realaĵoj aŭ punktoj, tial la evoluo de tiuj kaj la kreado de dieca mondregno bazita sur ili ankaŭ ĉi tie montriĝas absoluta realo.
      La grandaj okazaĵoj, kiuj en la nuntempa jarcento realiĝas en la mondo, do estas identaj kun la kreoŝanĝo de la nebula stato de la tera homaro al sunluma estado – ili estas la agonio en la terhoma socia korpo de la bestoregno – la komenciĝanta estiĝo de la kosma homoregno sur la tero. Estas tute nature, ke tiuj okazaĵoj ne povis okazi kaj ne okazos tute sensange tiel longe, kiel ankoraŭ ili identas kun batalo farata en regiono, kie malamo, venĝo kaj sindefendo batalas kontraŭ sklaveco, akaparo kaj avidego. Batalejo, kiu esprimas reagon inter tiaj energioj, povas produkti nur kadavrojn. Sed super tiuj kadavroj estiĝas mondo en nova nobligita apero, kaj la tero fariĝas vibrado de prudento kaj amo, fariĝas harmonio de intuicio kaj beateco.

Sendu komentojn al la Instituto de Martinus.
Sendu informojn pri eraroj, mankoj aŭ teknikaj problemoj al la retejestro.